रणवीर र दिपिकाको विवाह सम्पन्न, विवाहको फोटो भयो सार्वजनिक

३० कार्तिक २०७५, काठमाडौँ

नायिका दिपिका पादुकोण र नायक रणवीर सिंह बलिउडका निकै चर्चित जोडि हुन् । यिनले एकसाथ केहि चलचित्रमा पनि काम गरिसकेका छन् । करिब ४ बर्षदेखिको लामो प्रेमसम्बन्धपछि हालैमात्र नोभेम्बर १४ र १५ मा यी दुईले विवाह गरेका छन् ।

रणवीर र दिपिकाको विवाह निकै गोप्य र थोरै पाहुनाबीच गरिएको थियो । यी दुईको विवाहमा कडा निगरानी पनि गरिएको थियो । किनकी यी दुईको विवाहको फोटो खिच्नको लागि कुनैपनि मिडियालाई बोलाइएको थिएन र विवाहमा आएका पाहुनालाई पनि मोबाइल चलाउन निषेध गरिएको थियो । तर हालैमात्र सामाजिक सञ्जालमा रणवीर र दिपिकाको विवाहको फोटो सार्वजनिक भएको छ ।

सार्वजनिक फोटोमा दिपिकाले रातो लेहेङ्गा लगाएकी छिन् भने रणवीर पनि रातो कुर्तामा देखिएका छन् । यी दुईले निकै भव्य तरिकाले इटालीमा आफ्नो विवाह सम्पन्न गरेका छन् र अब केहि दिनमै मुम्बई आएर ग्राण्ड रिसेप्सन पार्टि दिने जानकारी गराएका छन् ।