‘प्रेम गीत ३’ बाट बाहिरिएका छैनन् प्रदिप, भन्छन् प्रेम गीत ३ मा पनि दर्शकले मलाई नै देख्न पाउनु हुनेछ

३० कार्तिक २०७५, काठमाडौँ

प्रदिप खड्का नेपालका निकै चर्चित र डिमाण्डेड अभिनेता हुन् । उनीइ निकै छोटो समयमा सफलता पाउन सफल नायक हुन् । चलचित्र प्रेमगीत बाट चर्चामा आएका प्रदिप अहिलेका निकै महंगा अभिनेता पनि हुन् । हाल उनी चलचित्र लब स्टेशन मा व्यस्त छन् ।

केहिसमय अघि प्रदिप चलचित्र प्रेम गीत ३ मा नदेखिने कुरा आएको थियो । तर प्रदिपले यो कुरा झुटो भएको बताएका छन् । उनले आफू प्रेमगीत ३ बाट नहटेको कुराको खुलासा गरेका छन् । चलचित्र प्रेम गीत ३ आगामी बर्षको माघ महिनाबाट फ्लोरमा जाने प्रदिपले बताएका छन् ।

उनले अब २ बर्षसम्म कुनैपनि चलचित्र साइन नगर्ने बताएका छन् । किनकी उनी अहिले एकपछि अर्को चलचित्रमा निकै व्यस्त छन् र उनलाई चलचित्रमा समय दिन पनि निकै कठिन भैरहेको छ । लब स्टेशन पछि उनले हेमराजको नयाँ चलचित्र गर्ने बताएका छन् । त्यसैले पछिल्लो समयमा उनले भैरवी चलचित्र बाट पनि हात झिकेको कुरा बाहिरिएको थियो । तर प्रदिपले आफूले भैरवी बाट पनि हात नझिकेको बताएका छन् ।

उनले चलचित्रको लागि केहि एडभान्स पनि लिइसकेका छन् । उनले आफूलाई भैरवीको टिम र कथावस्तु मन परेर चलचित्र साइन गरेको र यदि चलचित्र निर्माण टिक उनलाई दिएर चलचित्र गर्न राजी नभए पैसा फिर्ता दिन तयार भएको बताउँछन् ।