चङ्गा चेट सफल हुँदा रेखाले दिइन् निर्मातालाई बधाई

३० कार्तिक २०७५, काठमाडौँ

आजभोली नेपाली चलचित्र क्षेत्रमा एकैदिन दुई चलचित्र रिलिज हुनु एकदमै सामान्य कुरा भैसकेको छ । किनकी हप्तामा २, ३ चलचित्र एकसाथ प्रदर्शन भएकै हुन्छन् । यसो हुँदा चलचित्रलाई त घाटा पर्छ नै त्यतिमात्र नभएर चलचित्रका निर्माता निर्देशकको सम्बन्धमा पनि धरार आउने गर्छ ।

यहि कार्तिक १६ बाट प्रदर्शनमा आएको दुई बहुप्रतिषित चलचित्रहरु मालिका र चङ्गा चेट बीच भने त्यस्तो भएन । रखा थापा नेपालकी नाम चलेकी नायिका हुन् । त्यसैले पनि रेखाको चलचित्र हलमा सफल नै हुने गर्थे तर आजभोली रेखाको स्टारडक घटेका कारण उनका चलचित्रहरु हलमा असफल साबित भैरहेका छन् । कार्तिक १६ बाट प्रदर्शनमा आएको चलचित्र मालिका र चङ्गा चेटमा पनि चङ्गा चेटले निकै राम्रो कमाई गर्न सफल भयो भने रेखाको मालिका सिङ्गल थिएटरमा पनि चल्न सकेन ।

आफ्नो चलचित्र सफल भएको भन्दै निर्माता माधव वाग्लेले आफ्नो फेसबुकमा एक स्टाटस अपलोड गरेका थिए । आफ्नो चलचित्र असफल भएपनि माधवको उक्त स्टाटसमा बधाई छ मेरो दाई, म धेरै खुसी छु हजुरको लागि भनेर कमेन्ट गरेकी छिन् । यो निकै राम्रो कुरा हो । दुवै चलचित्र प्रदर्शन हुनुभन्दा अगाडि माधवले पनि रेखालाई चलचित्र प्रदर्शनको शुभकामना दिएका थिए ।