पहिलो पटक चलचित्रमा सँगै देखिदैँ प्रदिप र साम्राज्ञी

२ मङ्सिर २०७५, काठमाडौँ

नायक प्रदिप खड्का नेपालका निकै चर्चित र डिमाण्डेड अभिनेता हुन् । उनी आजभोली एकपछि अर्को चलचित्रमा निकै व्यस्त हुन थालेका छन् । हाल उनी चलचित्र लब स्टेशनमा व्यस्त छन् । त्यस्तै साम्राज्ञी राज्यलक्ष्मी शाह पनि युवापुस्तामा निकै चर्चित नायिका हुन् । चलचित्र ड्रिम्स बाट नेपाली चलचित्रमा आएकी साम्राज्ञीले एकपछि अर्को चलचित्र पाईरहेकी छिन् ।

यी दुवै नेपालका नाम चलेका कलाकार भएकाले दर्शकले यिनीहरुलाई एउटै चलचित्रमा हेर्नको लागि निकै माग गरिरहेका छन् । यी दुईलाई एकसाथ काम गर्नको लागि धेरै चलचित्रबाट अफर आएको पनि थियो तर दुवैले व्यस्तताका कारण एकसाथ चलचित्रमा देखिन सकेका थिएनन् । तर अब प्रदिप र साम्रागी एउटै चलचत्रमा देखिने भएका छन् । हेमराज वि.सीको नयाँ अनटाइटल चलचित्रमा यी दुई एकसाथ देखिने भएका छन् ।

यो चलचित्रमा लागि प्रदिप पहिलै फाइनल चभैसकेका थिए । साम्राज्ञीसँग पारिश्रमिकको कुरा मिलेको थिएन तर अब उनले पनि यो चलचित्र गर्ने भएकी छिन् । छक्का पञ्जा २ देखि चलचित्रमा नजमेको यो जोडिलाई अब भने दर्शकले पर्दामा जोडिको रुपमा देख्न पाउने भएका छन् । चलचित्र आउँदो जेठबाट फ्लोरमा जाने बताइएको छ ।