आज नायिका साम्राज्ञीको जन्मदिन, जन्मदिनसँगै नयाँ चलचित्र गरिन् साइन

०२ मङ्सिर २०७५, काठमाडौँ

साम्राज्ञी राज्यलक्ष्मी शाह नेपालकी निकै नाम चलेकी नायिका हुन् । चलचित्र ड्रिम्स बाट नेपाली चलचित्र क्षेत्रमा आएकी साम्राज्ञीले फर्केर हेर्नु परेको छैन । उनी अहिलेकी सर्वाधिक डिमाण्डेड नायिका हुन् । उनले अहिले चलेका नायकको बराबरीमा पारिश्रमिक लिने गरेकी छिन् ।

आज साम्राज्ञीको जन्मदिन रहेको छ । उनी आजबाट २४ बर्षमा प्रवेश गरेकी छिन् । नायिका साम्राज्ञी छोटो समयमै नेपाली चलचित्रमा चर्चा कमाउन सफल अभिनेत्री हुन् । उनलाई धेरै चलचित्रबाट अफर आउने गर्छ । तर उनले चुज गरेर मात्र चलचित्र गर्ने गर्छिन् ।

आज साम्राज्ञीको जन्मदिन भएकाले उनलाई विभिन्न सामाजिक सञ्जालमार्फत् उनका फ्यानहरुले उनलाई शुभकामना दिइरहेका छन् । अब साम्राज्ञी हेमराजको चलचित्रमा व्यस्त हुनेछिन् । उक्त चलचित्रमा उनको जोडि चर्चित अभिनेता प्रदिप खड्कासँग बाधिने भएको छ ।