०३ मङ्सिर २०७५, काठमाडौँ
नेपालकै सबैभन्दा चर्चित रियालिटि शो नेपाल आइडलमा गएर सबैको मन जित्न सफल प्रतियोगी मेनुका पौडेल यतिबेला भारतको निकै चर्चित रियालिटि शो सारेगमपा मा गएकी छिन् । सारेगमपा को इतिहासमा नेपालबाट जाने उनी पहिलो माहिला प्रतिस्पर्धी हुन् ।
अडिसनदेखि विभिन्न राउण्डहरु पार गर्दै उनी अहिले टप १३ मा पर्न सफल भएकी छिन् । गएको हप्ता उनको प्रस्तुतीमा जर्जहरुले उनलाई उठेर ताली बजाएका थिए । त्यस्तै गेस्टको रुपमा आएकी बलिउड चर्चित अभिनेत्री प्रिति जिन्टाले पनि उनको मुक्तकण्ठले प्रशंशा गरेकी थिइन् ।
सबै जर्जहरुबाट उनले अत्यन्तै राम्रो कमेन्ट पाएकी थिइन् भने जुरी मेम्बरबाट ९९.३ मास्क पाएकी थिइन् । उनको प्रस्तुतीपछि सारेगमपा का होस्ट आदित्यले उनीसँग नेपाली भाषमा कुराकानी गरेका थिए । मेनुकाले आफू सारेगमपा मा आउन पाएकामो निकै खुसी लागेको बताएकी छिन् ।
