जात्रै जात्रै को सुटिङमा जाने क्रममा दुर्घटनामा परे विपिन

०४ मङ्सिर २०७५, काठमाडौँ

विपिन कार्की नेपालका निकै चर्चित अभिनेता हुन् । उनलाई धेरै दर्शकले लुट चलचित्रबाट चिन्न थालेका हुन् । उनले लुट पछि अन्य  चलचित्रमा पनि काम गरिसकेका छन् । अहिले नेपाली चलचित्रमा विपिनको डिमाण्ड निकै बढ्दो छ । केहि समय अघिमात्र उनी निर्देशक प्रदिप भट्टराईको चलचित्र जात्रै जात्रा मा अनुबन्धित भएका थिए ।

चलचित्र जात्रै जात्राको टिजर रिलिज गरेर चलचित्रको छायांकन सुरु गरिएको हो । तर चलचित्रको निर्माण टिमको लागि दुखको खबर आएको छ । चलचित्रको छायांकन स्थलमा जाने क्रममा चलचित्रका  मुख्य नायक विपिन कार्कीको आज दुर्घटना भएको छ । उनी चलचित्र छायांकन स्थलमा जाने क्रममा उनको बाइक कालीमाटीमा दुर्घटना भएको छ ।

अहिले विपिन अस्पतालमा छन् । डक्टरले उनको खुट्टा भाचिएको बताएका छन् । त्यसकारण अब चलचित्रको छायांकन केहिदिनको लागि रोकिने भएको छ । चलचित्र जात्रै जात्रा फागुनमा रिलिज गरिने भनिएको थियो तर विपिनको स्वास्थ्यका कारण चलचित्रको रिलिज डेट केहि पछाडि सर्न सक्छ ।