शिल्पाले पाइन् सगरमाथा सर्वोत्कृष्ट मोडलको अवार्ड

०४ मङ्सिर २०७५, काठमाडौँ

शिल्पा पोखरेल नेपालकी नाम चलेकी नायिका र मोडल हुन् । चलचित्र लज्जा बाट नेपाली चलचित्रमा भित्रिएकी शिल्पाले चलचित्रबाट भने त्यति सफलता पाउन सकेकी छैनन् । अझै विडम्बनाको कुरा ट के छ भने उनले छविको व्यानरमा खेलेका चलचित्र बाहेक उनको अरु चलचित्र सफल भएका छैनन् । उनले अहिलेसम्म आधार दर्जनभन्दा बढी चलचत्रिमा काम गरिसकेकी छिन् तर उनका अधिकांश चलचित्र असफल नै साबित भएका छन् ।

चलचित्रमा काम गरेको धेरै समय भैसक्दा पनि शिल्पा ठूला व्यानरका निर्माता र निर्देशकको नजरमा पर्न सफल भएकी छैनन् । चलचित्रमा नभएपनि उनी म्यूजिक भिडियोहरुमा चाहिँ नै चर्चित नै छिन् । उनलाई म्यूजिक भिडियोमा दर्शकले निकै रुचाउने गरेका छन् ।

भर्खरै मात्र म्यूजिक भिडियोको एक अवार्ड कार्यक्रम भएको थियो । उक्त कार्यक्रममा शिल्पाले सर्वोत्कुष्ट मोडलको अवार्ड पाउन सफल भएकी छिन् । उनले आफूले अवार्ड पाउँदा निकै खुसी लागेको बताएकी छिन् । अहिले शिल्पा आफ्नो प्रदर्शनको तयारीमा रहेको चलचित्र भिलेन मा व्यस्त छिन् ।