विमल ट्रायलका लागि बेल्जियम जाँदै, ए डिभिजनको बाँकी खेल नखेल्ने

०५ मंसिर २०७५, काठमाडौं

नेपाली राष्ट्रिय टोलीका खेलाडी विमल घर्तीमगर ट्रायलका लागि बेल्जियम जाने भएका छन् । ए डिभिजन लिगमा च्यासल क्लबबाट खेलिरहेका विमल अब बाँकी खेल नखेली नै बेल्जियम जाने भएका हुन् ।

उनले यो लिगमा दुई खेल भने खेलिसकेका छन् । यसअघि पनि विमलले बेल्जियमको आरएससी एण्डरलेच्टबाट पनि खेलेका थिए भने स्पेनको मार्वेला युनाइटेडमा ट्रायल दिएका थिए । जारी लिगका दुई खेल सकिँदासम्म विमलले गोल गर्न भने सकेका छैनन् । यसै सिजन ‘ए’ डिभिजनमा उक्लिएको च्यासल युथ क्लबका लागि विमलको अनुस्थितिले केही समस्या पर्ने देखिन्छ ।

लिगमा दोस्रो चरणको खेल सकिँदा एक हार, एक बराबरी र एक अङ्कसहित च्यासल लिगको नवौँ स्थानमा छ । पहिलो खेलमा मच्छिन्द्रसँग गोलरहित बराबरी खेलेको थियो भने दोस्रो खेलमा त्रिभुवन आर्मीसँग १–० ले पराजित भएको थियो ।