मङ्सिर २२ मा टुडिखेलमा सुगम गीत गाउने अनि स्वस्तिमा नाच्ने

०५ मङ्सिर २०७५, काठमाडौँ

नायिका स्वस्तिमा खड्का अहिलेकी निकै चर्चित अभिनेत्री हुन् । अहिले नेपाली चलचित्रमा उनको डिमाण्ड चर्को छ । उनी एकपछि अर्को चलचित्रमा निकै व्यस्त हुन थालेकी छिन् । उनी चलचित्रमा मात्र नभएर विभिन्न कार्यक्रमहरुमा पनि निकै व्यस्त छिन् । हाल स्वस्तिमा उनको रिलिज हुन लागेको चलचित्र बुलबुलमा व्यस्त छिन् ।

नेपाल रग्बी फेस्टिबल र लाइभ म्यूजिक शो यहि मङ्सिर २२ मा टुडिखेलमा हुने भएको छ । उक्त कार्यक्रममा एक दर्जनभन्दा बढी कलाकारको उपस्थिति रहने भएको छ । उक्त कार्यक्रममा नायिका स्वस्तिमा खड्का पनि उक्त कार्यक्रममा जाने भएकी छिन् । उनले टुडिखेलमा दमदार डान्स पनि देखाउने भएकी छिन् । उक्त कार्यक्रममा नेपालका चर्चित गायक सुगम पोखरेलको पनि बेजोड प्रस्तुत रहने भएको छ ।

त्यस्तै उक्त कार्यक्रममा प्रमोद खरेल, अभया सुब्बा लगायतका चर्चित कलाकारको पनि प्रस्तुती हुने भएको छ । कार्यक्रममा आउने दर्शकको लागि कुनै पनि टिकटको व्यवस्था गरिएको छैन । उक्त कार्यक्रममा २५ हजार दर्शकको अनुमान गरिएको छ ।