सुजन मार्पा र आँचल शर्माको नयाँ गीत रिलिज

०५ मङ्सिर २०७५, काठमाडौँ

सुजन मार्पा नेपालका निकै चर्चित र टप डान्सर हुन् । उनी डान्स त पहिले बाट नै गर्थे तर उनलाई चर्चित भने भारतको चर्चित रियालिटि शो डान्स इन्डिया डान्सले बनाएको हो । उनी डान्स इन्डिया डान्समा गएपछि उनलाई धेरैले चिन्न थालेका हुन् । अहिले सुजन मार्पा फेरि भारतको अर्को चर्चित डान्स रियालिटि शो डान्स प्लसमा गएमा छन् । तर सुजर म्यूजिक भिडियोहरुमा पनि उत्तिकै व्यस्त छन् । भर्खरैमात्र बजारमा सुजनको नयाँ म्यूजिक भिडियो सार्वजनिक भएको छ ।

राम गोपाल आशुतोषको शब्द र राजु सिंहको संगीत रहेको ब्ल्याक ब्युटि बोलको गीतमा बिनोद कार्कीको आवाज रहेको छ । उक्त गीतमा सुजन र नेपालकी चर्चित नायिका तथा मोडल आँचल शर्मालाई फिचरिङ गराइएको छ । उक्त गीतलाई सुजन आफैँले कोरियोग्राफी गरेका हुन् । उक्त गीतमा सुजन र आँचलको दमदार डान्स पनि देख्न सकिन्छ ।