विपिन र बर्षाको ‘गोपी’ को पहिलो गीत सार्वजनिक, देखियो मिलेको केमेष्ट्रि

०५ मङ्सिर २०७५, काठमाडौँ

बर्षा राउत नेपालकी निकै नाम स्थापित नायिका हुन् । म्यूजिक भिडियो हुँदै चलचित्र नाई नभन्नु ल ४ बाट नेपाली चलचित्र क्षेत्रमा प्रवेश गरेकी बर्षाले केहि सफल चलचित्रहरुमा काम गरिसकेकी छिन् । अहिले बर्षाको व्यस्तता निकै बढेको छ । उनी एकपछि अर्को चलचित्रमा निकै व्यस्त हुन थालेकी छिन् । त्यस्तै लुट बाट चम्किएका नायक विपिन कार्की पनि अहिलेका सर्वाधिक चर्चित नायक हुन् ।

विपिन र बर्षाको मुख्य भूमिका रहेको चलचित्र गोपी प्रदर्शनको तयारीमा रहेको छ । भर्खरै मात्र चलचित्र गोपीको पहिलो लक्ष्मी कहिले काली बोलको गीत सार्वजनिक भएको छ । बुद्धि सागरको शब्द र अर्जुन पोखरेलको संगीत रहेको गीतमा धु्रव बिस्को र एन्जिला रेग्मीको आवाज रहेको छ । उक्त गीतमा विपिन र बर्षालाई फिचरिङ गराइएको छ । चलचित्र गोपी माघ १८ बाट देशव्यापी रुपमा प्रदर्शनमा आउने भएको छ ।