०६ मंसिर २०७५, काठमाडौं
लगातार १२६ घण्टा नाँचेर गिनिज बुकमा नाम लेखाउने तयारीमा रहेकी बन्दना नेपालकी कार्यक्रम भोली (शुक्रबार) बाट सुरु हुँदै छ । जसका लागि सबै तयारी पनि पुरा भईसकेको बुवा राम नेपालले जानकारी दिए ।
बत्तिसपुतलीस्थित विग फुडल्याण्डमा हुने कार्यक्रम भोली ७ बजेबाट सुरु हुने जनाईएको छ । भारत केरलाकी कलामण्डल हेमथलाको रेकर्डलाई ब्रेक गर्दै उनले सो रकर्ड राख्न लागेकी हुन् । हेमथलाले सो विधामा नै लगातार १२३ घण्टा नाँचेर विश्व किर्तिमान बनाएकी थिईन् ।
सो उनको रेकर्डलाई बन्दनाले उनीभन्दा ३ घण्टा बढि अर्थात १२६ घण्टा नाँचेर उनको स्थानमा आफु आसिन रहन लागेकी हुन् । १७ वर्षिया बन्दना भोली (शुक्रबार) बाट लगातार ६ दिनसम्म विभिन्न नेपालीहरुको भाषा, संस्कृति तथा परम्परा झल्किने पोषाकमा नृत्य गर्दै छिन् ।
सनैदेखि नाँच्नमा विशेष रुची राख्ने बन्दना अहिले नृत्य प्रशिक्षकसमेत हुन् ।
त्यस्तै उनले परिवर्तन खबरसँग कुराकानी गर्दै रेकर्ड होल्ड गरेपछि टुहुरा बालबालिकाहरुलाई ‘बन्दना’ नामक संस्था खोलि ह्याण्डल गर्ने आफ्नो लक्ष्य रहेको बताएकी छिन् । उनले नृत्य गरेर १२० घण्टा बढि पुर्याईसकेकी छिन् । अब ६ घण्टा पनि सजिलै पुर्याउन सक्ने दावी पनि गरेकी छिन् ।
यो पनि पढ्नुहोस
