०७ मङ्सिर २०७५, काठमाडौँ
विक्रम बराल नेपाल आईडल सिजन २ का होनहार प्रतिस्पर्धी हुन् । उनी हाल टप ७ मा पुगिसकेका छन् । उनले नपाल आइडल सिजन २ को अडिसन राउण्डमा नै जर्जहरुको मन जितेर गोल्डेन माइक पाएका थिए ।
सेलेब्रेटी गेष्ट आउने क्रममा नेपाल आईडलमा केहिसमय अगाडी चलचित्र प्रसाद टिम आएको थियो । त्यसबेला उनीहरुले एक उत्कृष्ट आवाजलाई आफ्नो चलचित्र प्रसाद को तेस्रो गीत रेकर्ड गर्न लगाउने बाचा गरेका थिए । नभन्दै उनीहरुले आफ्नो वाचा पनि पुरा गरेका छन् । उनीहरुले विक्रम बराललाई यो अवसर दिएका छन् । गएको हप्ताको नेपाल आइडलमा प्रसाद टिमले विक्रमलाई गीत रेकर्ड गर्न लगाउने एग्रीमेन्ट पेपर दिएका थिए ।
हिजो विहिबार विक्रमको आवाजमा यस बर्षको बहुप्रतिक्षित चलचित्र प्रसाद को तेस्रो गीत रेकर्ड गरिएको छ । पहिलो लै लै र दोस्रो बनकी चरी बोलको गीत यतिबेला बजारमा सर्वाधिक चर्चामा छन् । तर यस चलचित्रका निर्माता चलचित्रको तेस्रो गीत चाहिँ चलचित्र रिलिज भएपछि मात्र युट्युबमा आउने बताउँछन् । त्यतिमात्र नभएर चलचित्रका निर्माताले विक्रमलाई प्रोफेस्नल गायकलाई दिने जति पारिश्रमिक दिएको बताएका छन् ।
