चलचित्र ‘गरुण पुराण’ को आइटम गीत रिलिज, देखियो कर्मा र निश्चलको दमदार डान्स

०७ मङ्सिर २०७५, काठमाडौँ

निश्चल बस्नेत नेपालका निकै चर्चित पिनर्देशक हुन् । उनले नेपाल िचलचित्र जगत्मा निर्देशन शैलीमा परिवर्तन ल्याउने निर्देशको रुपमा आफूलाई परिचित गरिसकेका छन् । उनले पहिलो पटक निर्देशन गरेको चलचित्र लुट सर्वाधिक सफल भएको थियो । निश्चल सफल निर्देशक मात्र नभएर राम्रो गायक र डान्सर पनि हुन् । उनी आजभोली निर्देशनमा भन्दापनि बढी चलचित्रका आइटम गीतमा व्यस्त छन् । भर्खरै मात्र निश्चलले खेलेको चलचित्र गरुण पुराण को एक आइटम गीत सार्वजनिक भएको छ ।

दिनेश राउतको शब्द र कोशिस क्षेत्रीको संगीत रहेको म त पिरिम मा बोलको गीतमा कोशिस क्षेत्री र मनिषा पोखरेलको आवाज रहेको छ । उक्त गीतमा निश्चल बस्नेत, कर्मा शाक्य, प्रियंका सिंह र अञ्जली योञ्जनलाई फिचरिङ गराइएको छ । उक्त डान्सिङ शैलीको गीतलाई चर्चित कोरियोग्राफर रेनशा वान्तवा राईले कोरियोग्राफी गरेकी हुन् । चलचित्र गरुण पुराण माघ ४ बाट देशव्यापी रुपमा प्रदर्शनमा आउने भएको छ ।