०७ मंसिर २०७५, काठमाडौं

लगातार १२६ घण्टा नाँचेर गिनिज बुकमा नाम लेखाउने नेपालको छोरी बन्दना नेपालको नृत्य सुरु भएको छ । सो कार्यक्रम आज विहान ९ बजेबाट सुरु भएको हो । उनले आजबाट लगातार १२६ घण्टा अर्थात १२ गतेसम्म लगातार चाँच्ने छिन् ।

कार्यक्रमको समुद्घाटनमा पर्यटनमन्त्री रविन्द्र अधिकारी, तथा ऊर्जामन्त्री वर्षमान पुन अनन्तको समेत उपस्थिती रहेको थियो । उनीहरुले पनि बन्दनालाई शुभकामनाका दिँदै यो उनको मात्रै नभएर सम्पुर्ण नेपालको गौरवको कुरा भएको बताए । बत्तिसपुतलीस्थित विग फुडल्याण्ड होटलमा भईरहेको कार्यक्रमका संयोजक हरिचन्द्र राउत तथा सह–संयोजक सन्तोष लामाले गरेका हुन् ।

उनीभन्दा पहिले भारतकी केरलाकी कलामण्डल हेमथलाले सो विधामा नै लगातार १२३ घण्टा नाँचेर विश्व किर्तिमान राखेकी थिईन् । तर, बन्दनाले भने उनीभन्दा ३ घण्टा बढि नाँच्दै उनको रेकर्डलाई ब्रेक गर्दै छिन् । उनी लगातार १२६ घण्टा नेपालीहरुको पहिचान झल्किने विभिन्न भेषभूषामा नृत्य गर्ने छिन् ।

यो पनि पढ्नुहोस्