०९ मंसिर २०७५, काठमाडौं
तालिम केन्द्रमा प्रहरीले गोली पड्काएको आवाजले राष्ट्रपतिलाई डिस्टर्ब भएको घटना अहिले राष्ट्रिय चर्चाको विषय बनेको छ ।
राष्ट्रपतिलाई डिस्टर्ब भएपछि त्यो राष्ट्रिय चर्चाको विषय बन्नु स्वभाविक पनि हो ।
सर्वसाधारण जनतालाई डिस्टर्ब भएको भए त्यो अर्कै विषय आयो ।
तर, नबुझेको कुरो के रह्यो भने प्रहरीले गोली पड्काउन थालेको अहिले होईन ।
धेरै अघिदेखि नै प्रहरीले गोली पड्काउँदै आईरहेको छ ।
तर, डिस्टर्बचाहिँ अहिले आएर मात्र किन भएको हो ?
काठमाडौंमै कति वटा आन्दोलनमा प्रहरीले गोली पड्काएकै थियो । प्रहरीको त्यही गोली लागेर कति नागरिक ढलेकै थिए । तर, त्यतिबेला त उपल्लो तहलाई डिस्टर्ब भयो भन्ने कुरा आएन । मधेसमै हेर्नुहोस मधेसी
जनता अधिकार माग्न सडकमा ओर्ले कि प्रहरीले पटापट गोली पड्काईहाल्छन् ।
कति आन्दोलनकारी त्यहीँ ढलेको ढल्यै हुन्छन् । खै, त्यतिबेला पनि राष्ट्रपतिलाई डिस्टर्ब भयो भन्ने कुरा सुनेको थिइँन ।, आजको नेपाल साप्ताहिकमा यो खबर छ ।
