सबैभन्दा महंगो बलिउड चलचित्र ‘२.०’ ले प्रदर्शन अगावै कमायो ३७० करोड

०९ मङ्सिर २०७५,काठमाडौँ

२.० यसबर्षको सबैभन्दा प्रतिक्षित बलिउड चलचित्र हो । चलचित्र सुटिङ हुनु अगावै निकै चर्चामा रहेको यो चलचित्र अहिलेसम्मको बलिउडको सबैभन्दा महंगो चलचित्र भएको बताइएको छ । यो चलचित्र ५ सय करोडमा बनेको यसका निर्माताले बताएका थिए ।

चलचित्र २.० ले प्रदर्शन अगावै ३७० करोड कमाईसकेको छ । सेटेलाइट अधिकार र डिजिटल अधिकार बेचेर चलचित्रले यति कमाई गरेको बताइएको छ । चलचित्र २.० मा भारतका एकदमै चर्चित २ अभिनेता रजनी कान्त र अक्षय कुमारको मुख्य भूमिका रहेको छ । चलचित्र २.० ले धेरै कमाई गर्ने अनुमान लगाइएको छ । यो चलचित्र हेर्न भारतका मात्र नभएर नपालका दर्शकहरु पनि उत्तिकै उत्साहित छन् ।