अहिलेसम्मकै सबैभन्दा धेरै दर्शकको माझ बर्दघाटमा प्रस्तुती दिदैँ टंक, अशोक र ए.आर

१० मङ्सिर २०७५,काठमाडौँ

बहुचर्चित गीत मन बिना को धन ठूलो की धन बिना को मन बाट निकै चर्चा कमाएका बाल गायक अशोक दर्जी सबैका प्रिय बनिसकेका छन् । उनलाई हरक पाईलामा साथ संगीतकार तथा गायक टंक बुढाथोकीले दिए । टंकले अशोकलाई आफ्नो छोरा जस्तै गरी राखेका छन् ।

अशोक अहिलेका सर्वाधिक व्यस्त बाल गायक पनि हुन् । उनी देश तथा विदेशका कार्यक्रमहरुमा निकै व्यस्त हुन थालेका छन् । केहि समय अघि मात्र विदेशमा कार्यक्रम सकेर नेपाल आएका हुन् । उनी अहिले देश भित्रका कार्यक्रमहरुमा व्यस्त छन् । केहिदिन अघिमात्र उनी टंक बुढाथोकी र उनका छोरा ए.आर बुढाथोकीसँग बर्दघाट पुगेका थिए । बर्दघाटमा उनको निकै भव्यसँग स्वागत गरिएको थियो ।

अशोक, टंक र ए.आरलाई हेर्न त्यँहा दर्शकको यति धेरै भीड थियो की अशोक आफै दङ्ग परे । अशोक, टंक र ए.आरलाई हेर्न त्यँहा करिब २० हजारको हाराहारीमा दर्शकहरु उपस्थित भएका थिए ।  टंकले अशोकलाई यति धेरै दर्शक पहिलो पटक जम्मा भएको पनि बताएका छन् । बर्दघाटमा टंक, अशोक र ए.आरले निकै दमाकेदार प्रसतुती दिएका थिए । उनीहरुको प्रस्तुतीले बर्दघाटको माहोल निकै नै तताइदिएको थियो । बर्दघाटमा आएका दर्शकले टंक, अशोक र ए.आरको प्रस्तुतीबाट निकै नै रमाईलो गरेका थिए ।