मेनुका सा रे ग म पा को उत्कृष्ट ११ मा पर्न सफल

१० मङ्सिर २०७५, काठमाडौँ

नेपालकै सबैभन्दा चर्चित रियालिटि शो नेपाल आइडलमा गएर सबैको मन जित्न सफल प्रतियोगी मेनुका पौडेल यतिबेला भारतको निकै चर्चित रियालिटि शो सारेगमपा मा गएकी छिन् । सारेगमपा को इतिहासमा नेपालबाट जाने उनी पहिलो माहिला प्रतिस्पर्धी हुन् ।

अडिसनदेखि विभिन्न राउण्डहरु पार गर्दै उनी अहिले टप ११ मा पर्न सफल भएकी छिन् । गएको हप्ता उनको प्रस्तुतीमा जर्जहरुले उनलाई उठेर  ताली बजाएका थिए । त्यस्तै मेनुकाको सपोर्टको लािग आएकी चर्चित टेलिसिरियल कुमकुम भाग्य की तनुले पनि मेनुकाको प्रत्येक शब्दमा आफू हराएको बताइन् ।

सबै जर्जहरुबाट उनले अत्यन्तै राम्रो कमेन्ट पाएकी थिइन् भने जुरी मेम्बरबाट ९८ मास्क पाएकी थिइन् । मेनुकाले आफूलाई उक्त गीत गाउन निकै गाह्रो भएको बताइन् । तर उनको प्रस्तुतीपछि जर्जहरुले उनलाई २ पटक सम्म उठेर ताली बजाए ।