‘ठग्स अफ हिदुस्तान’ असफल भएपछि आमिरले मागे माफी

११ मङ्सिर २०७५, काठमाडौँ

आमिर खान बलिउडका निकै चर्चित अभिनेता हुन् । उनी कम मात्रामा तर उत्कृष्ट चलचित्रहरुमा मात्र काम गर्ने गर्छन् । त्यसैले पनि आमिरको चलचित्र भनेपछि दर्शकहरुको उत्साह बढी हुन्छ । तर यसपटक आमिर दर्शकको मन जित्न असफल भएका छन् ।

धेरै समयदेखि दर्शकहरुले प्रतिक्षा गरेको चलचित्र ‘ठग्स अफ हिदुस्तान’ केहि समय अघिमात्र प्रदर्शनमा आएको थियो । तर उक्त चलचित्रले जति सोचेको थियो त्यति सफलता भने पाउन सकेन । त्यतिमात्र नभएर यसपटक आमिरको चलचित्र दर्शकले कत्तिपनि मन पराएनन् । हुन त चलचित्रमा अरु पनि चर्चित कलाकारहरुको अभिनय रहेको थियो । तर चलचित्र नचल्नुमा दर्शकले सबै दोष आमिरलाई नै दिए ।

आमिरले ‘ठग्स अफ हिदुस्तान’ नचल्नुको दोष आफूलाई नै दिएका छन् । उनले सबै दर्शकहरुसँग ठग्स अफ हिदुस्तान असफल भएकोमा सबैसँग माफी मागेका छन् । उनले आफूले राम्रो चलचित्र बनाउन पुरा कोशिष गरेको तर कतै न कतै आफ्नै अभिनय नपुगेकाले चलचित्र असफल भएको बताएका छन् । त्यतिमात्र नभएर आमिरले अब राम्रो चलचित्र मात्र बनाउने र फेरि दर्शकको मन जित्ने बताए ।