११ मङ्सिर २०७५, काठमाडौँ
प्रदिप खड्का नेपालका निकै चर्चित र डिमाण्डेड अभिनेता हुन् । चलचित्र प्रेम गीत बाट दर्शकको नजरमा प्रिय बनेका प्रदिपले प्रेम गीत पछि पनि केहि सफल चलचित्रहरुमा काम गरिसकेका छन् ।
प्रदिप खड्का र अश्लेशा ठकुरीको मुख्य भूमिका रहेको बहुचर्चित चलचित्र प्रेम गीत को सिक्वेल प्रेम गीत २ भर्खरै मात्र युट्युबमा सार्वजनिक भएको छ । करिब २ बर्ष पहिले रिलिज भएको चलचित्र बक्सअफिसमा निकै सफल साबित भएको थियो । प्रदिप अहिलेका स्टार हुन् त्यसैले पनि उनको चलचित्र हेर्न भनेपछि उनका फ्यानहरु हुरुक्कै हुने गर्छन् ।
चलचित्र प्रेम गीत २ ले युट्युबमा पनि निकै राम्रो भ्यूज पाइरहेको छ । युट्युबमा हालेका २ पनि नबित्दै चलचित्रलाई २३ लाखभन्दा बढीले हेरिसकेका छन् भने अहिले चलचित्र नेपालको युट्युबको ट्रेन्डिङ १ मा पर्न सफल भएको छ । चलचित्र प्रेम गीत २ लाई दर्शकबाट निकै सकरात्मक प्रतिक्रिया आइरहेको छ । तर अधिंकाश दर्शकले चलचित्र राम्रो भएपनि नायिका अश्लेशालाई भने निकै गाली दिएका छन् ।
अधिकांश दर्शकले उनको अभिनय र बोलीको नराम्रोसँग खण्डन गरेका छन् । अभिनेता प्रदिपको भने सबैले निकै तारिफ गरेका छन् । नायिका अश्लेशालाई अहिले दर्शकले उनीप्रति गरेको नराम्रो कमन्टले निकै तनाव दिइरहेको छ भने धेरै दर्शकले प्रेम गीत की नायिका पूजालाई पनि मिस गरेका छन् ।
