१२ मंसिर २०७५, काठमाडौं
शहिद स्मारक ए डिभिजन लिगअन्तर्गत आज विहान भएको खेलमा हिमालयन शेर्पा क्लबले जित निकालेको छ ।
सातदोबाटोस्थित एन्फा कम्प्लेक्समा सम्पन्न खेलमा हिमालयनले मछिन्द्र क्लबलाई २–० ले हराएको हो । खेलको पहिलो हाफमै १ गोलले अग्रता लिएको हिमालयनले खेलको अन्त्यसम्ममा ० का विरुद्ध २ गोल हान्न सकेको हो ।
यस जितसँगै हिमालयनले ४ खेलबाट १० अंक जोडेको छ । यता मछिन्द्र भने २ अंकमै सिमित रहिरहेको छ ।
