१२ मङ्सिर २०७५, काठमाडौँ
ट्रेलर र लै लै बोलको गीतबाट अत्याधिक चर्चा पाइरहेको चलचित्र प्रसाद यो बर्ष बहुप्रतिक्षित चलचित्र हो । यहि मङ्सिर २१ बाट देशव्यापी रुपमा प्रदर्शनमा आउन लागेको चलचित्रले अहिले नेपाली चलचित्र बजारमा निकै राम्रो हाइप पाइरहेको छ । चलचित्रको प्रदर्शन मिति नजिकिदैँ गर्दा चलचित्रको विदेशमा निकै डिमाण्ड बढिरहेको छ ।
चलचित्र प्रसाद रिलिज नहुँदै धेरै देशहरुबाट यसको डिमाण्ड आइरहेको छ । चलचित्र प्रसादलाई अन्तराष्ट्रिय स्तरमा वितरण गर्ने वितरकका अनुसार युरोपका ११ देशहरुमा चलचित्र चल्ने पक्का भैसकेको छ । ११ देशमा २० शो बुक भैसकेको वितरकले बताएका छन् । यो अहिलेसम्मकै दोस्रो धेरै शो पाएको चलचित्र भएको वितरकले बताएका छन् । पहिलो स्थानमा धेरै शो पाउनेमा चलचित्र छक्का पञ्जा ३ रहेको र दोस्रो स्थानमा प्रसाद रहेको छ ।
त्यतिमात्र नभएर अन्य देशहरुमा पनि चलचित्रको बढ्दो डिमाण्ड रहेकाले विदेशमा प्रसादले छक्का पञ्जाको हाराहारीमा शो पाउने सम्भावना प्रवल छ । त्यसका साथै चलचित्रका मुख्य कलाकार नम्रता श्रेष्ठ, विपिन कार्की र निश्चल बस्नेतको नेपालमा मात्र नभएर विदेशमा पनि निकै फ्यान भएकाले अन्य देशका दर्शकहरु पनि प्रसाद हेर्नको लागि निकै उत्साहित भएको देखिन्छ ।
