अनमोल र प्रदिपसँग काम गर्ने चाहना छ : सारा शिर्पाली

१२ मङ्सिर २०७५, काठमाडौँ

केहिदिन यता नेपाली सिनेवृतमा नायिका सारा शिर्पालीको निकै चर्चा हुन थालेको छ । उनी उनको अभिनय  कामको कारणले भन्दा पनि अहिलेका चर्चित अभिनेता अनमोल केसीसँगको प्रेमको कारण चर्चामा आएकी छिन् । मिडियामा एकाएक अनमोलसँगको अफेयरको कुरा आएपछि अहिले नेपाली चलचित्र क्षेत्रलाई नै चकित बनाइदिएको छ ।

मिडियामा यी दुईको अफेयरको कुरा आएपनि यी दुईले नै उनीहरुबीच प्रेम सम्बन्ध नभएर एउटा साथीको मात्र नाता भएको बताएका छन् । नायिका सारा सिरपालीले अनमोलसँग उनको अफेयर नभएपनि अनमोलसँग चलचित्रमा भने काम गर्ने इच्छा भएको बताएकी छिन्  ।

उनले अनमोल मात्र नभएर प्रदिप पनि आफूलाई अत्यन्तै मन पर्ने नायक भएको बताउँदै उनीहरुसँग काम गर्ने ठूलो सपना रहेको बताएकी छिन् । अफर आएमा यी दुवैसँग चलचित्रमा काम गर्ने साराले बताएकी छिन् । हाल सारा आफ्नो प्रदर्शनको तयारीमा रहेको चलचित्र सुश्री सम्पत्ति को प्रचारमा व्यस्त छिन् ।