‘छक्का पञ्जा ३’ ले मनायो गौरवमय ५१ दिन

१३ मङ्सिर २०७५, काठमाडौँ

नेपाली चलचित्र जगत्मा अहिलेसम्मकै सर्वाधिक कमाई गर्ने चलचित्र छक्का पञ्जा ३ ले काठमाडौँका १३ हलहरुमा गौरवमय ५१ औँ दिन मनाउन सफल भएको छ । दशैँको घटस्थापनाबाट देशव्यापी रुपमा प्रदर्शनमा आएको चलचित्र हेर्न अहिले पनि हलहरुमा मानिसहरुको भिड छ । दिपाश्री निरौलाको निर्देशनमा तयार भएको चलचित्र छक्का पञ्जा ३ को व्यापार नेपालमा मात्र नभएर विदेशमा पनि लोभलाग्दो छ ।

चलचित्र छक्का पञ्जा ३ लाई नेपालमा मात्र नभएर विदेशमा पनि प्रदर्शन गरिएको थियो । जसका कारण चलचित्रको व्यापारमा अझै फाइदा भएको छ । आजभोली नेपाली चलचित्रहरु हलबाट १ हप्तामा उत्रिने गर्छन् । त्यसैले पनि छक्का पञ्जा ३ ले ५१ दिन मनाउनु भनेको धेरै ठूलो कुार हो । यसअघि छक्का पञ्जा २ ले र शत्रु गते ले पनि गौरवमय ५१ दिन मनाएका थिए ।