१३ मङ्सिर २०७५, काठमाडौँ
यो बर्ष प्रदर्शनमा आएका चलचित्रमध्ये कमैले मात्र दर्शकको मन जित्न सफल भए र बक्सअफिसमा राम्रो कलेक्सन गरे । त्यसमध्येको एक चलचित्र चङ्गा चेट पनि हो । गोजीमा दाम छैन बोलको गीतबाट अत्याधिक चर्चा पाएको चलचित्र चङ्गा चेटले नेपालमा मात्र नभएर विदेशमा पनि एकदमै राम्रो व्यापार गरिरहेको छ ।
हाल चलचित्रको नेपाल बाहिरका केहि देशहरुमा प्रदर्शन भैरहेका छन् भने केहि देशहरुमा चलचित्रको विक्रि गरिसकिएको छ । चलचित्र वितरकका अनुसार चलचित्रले विदेशमा मात्र ६० लाख माथिको व्यापार गरिसकेको छ । त्यसैगरी युरोपमा १५ राज्यहरुमा चलचित्रको विक्रि भैसकेको छ । यसो हुँदा चलचित्रको व्यापार अझै बढ्ने देखिन्छ ।
चलचित्र चङ्गा चेट मा आयुष्मान देशराज जोशी, प्रियंका कार्की, सन्दिप क्षेत्री, परमिता राणा, रबिन्द्र झा, सुरक्षा पन्त लगायतका कलाकारको अभिनय रहेको छ । चलचित्रलाई दिपेन्द्र के खनालले निर्देशन गरेका हुन् ।
