१३ मंसिर २०७५, काठमाडौं
ला लिगामा खराब प्रदर्शन गरिरहेको स्पेनिस पावर हाउस क्लब रियल मड्रिड च्याम्पियन लिगमा आफ्नो प्रभाव देखाउन सफल भएको छ । हिजो भएको खेलमा बलियो प्रतिद्वन्द्वी इटालियन क्लब रोमालाई उसकै मैदानमा २–० ले हराएर सानदार जित निकाल्न सफल भयो ।
पहिलो हाफ बराबरीमा सकिएकोमा दोस्रो हाफ सुरु हुनेबित्तिकै ४७ मिनेटमा बेलले गोल गरी रियललाई अग्रता दिलाए । ५९ औं मिनेटमा लुकास भाज्क्वेजले गोल गरी अग्रता दोब्बर बनाए । यही नै अन्तिम नतिजा बन्न पुग्यो । जितसँगै गत सिजनको विजेता टोली रियल मड्रिड समूह विजेताको रुपमा नकआउट चरणमा पुग्ने पक्का भएको छ । समूह जीमा रहेको रियल मड्रिडले ५ खेलबाट १२ अंक बनाएको छ । हारपछि पनि ५ खेलबाट ९अंक रहेको रोमा पनि अन्तिम १६ स्थान बनाउन सफल भएको छ।
अब लिगमा १–१ खेल मात्रै खेल्न बाँकी छ । यस खेलमा पराजित भए पनि गोलअन्तरका आधारमा रियल मड्रिड समूह विजेता बन्ने पक्का भएको छ ।
