सुपरहिट चलचित्र ‘भैरव’ को सिक्वेल बनाउँदै निखिल

१३ मङ्सिर २०७५, काठमाडौँ

निखिल उप्रेती नेपाली सिने जगतमा परिचित नाम हो । नेपाली चलचित्र क्षेत्रमा उनको आफने छुट्टै शान छ । निखिललाई नेपाली चलचित्र क्षेत्रमा एक्सन किङ्गको नामले पनि चिन्न सकिन्छ । कुनै समयमा निखिलको नामले मात्र पनि चलचित्र बक्सअफिसमा हिट साबित हुने गर्थे भने आजभोली त्यो महोल भने छैन ।

चर्चित नायिका सञ्चिता लुईटेलसँग विवाह गरेपछि निखिल चलचित्र क्षेत्रबाट टाढिएका थिए । दुई बर्ष अगाडि फेरि आफ्नै निर्देशनमा चलचित्र भैरव मार्फत् उनी चलचित्र क्षेत्रमा आएका थिए । त्यपछि भने निखिललाई चलचित्रमा फेरि देखिएको थियो । तर विडम्बना पछिल्लो समयमा उनका चलचित्रहरु खासै सफल हुन सकेनन् । अब निखिल फेरि आफ्नै निर्देशनमा बनेको चलचित्र भैरव को सिक्वेल मार्फत् नेपाली चलचित्रमा आउने सुरसारमा छन् ।

हुन त यस बर्ष उनको भिलेन चलचित्र प्रदर्शनमा आउने भएको छ । भैरव को सिक्वेललाई निखिल आफैँले निर्देशन गर्ने भएका छन् । त्यतिमात्र नभएर भैरव को सिक्वेलको कथा पनि हाल उनी नै लेखिरहेका छन् । तर निखिल भैरव को सिक्वेलमा भने आफैँ हिरो नहुने बताउँछन् । उनको चलचित्र फागुनबाट फ्लोरमा जाने बताइएको छ ।