प्रियंका चोपडाद्धारा निर्मित पहिलो नेपाली चलचित्र ‘पाहुना’ को नयाँ गीत सार्वजनिक

१३ मङ्सिर २०७५, काठमाडौँ

बलिउडकी चर्चित अभिनेत्री प्रियंका चोपडाले पहिलो पटक निर्माण गरेको नेपाली चलचित्र पाहुना को पहिलो गीत सार्वजनिक भएको छ ।

पियूष नेपाल र प्रयास नेपालको शब्द र सागर देसाईको संगीत रहेको सानो नौलो संसार बोलको गीतमा पियूष नेपाल र रुहि थटालको आवाज रहेको छ । गीतमा चलचित्रका ३ मुख्य बाल कलाकारलाई फिचरिङ गराइएको छ । चलचित्र पाहुना टुहुरा बालबालिकाको कथामा आधारित चलचित्र हो । चलचित्र पाहुना यहि मङ्सिर २१ अर्थात् डिसेम्बर ७ बाट प्रदर्शनमा आउँदैछ ।