‘सम्हालिन्छ कहिले मन’ मा पूजाको जोडि सोनम

१४ मङ्सिर २०७५, काठमाडौँ

पूजा शर्मा नेपालकी स्थापित नायिका बनिसकेकी छिन् । चलचित्र मधुमास बाट नेपाली चलचित्र क्षेत्रमा आएकी पूजालाई सफलता भने चलचित्र प्रेम गीत ले दियो । उनले चलचित्र प्रेम गीत बाट दर्शकको निकै माया पाइन् । अहिले पूजाको नाम नै चलचित्र हलमा चल्ने माहोल बनिसकेको छ ।

केहिसमय अघिमात्र पूजा र आकाश स्टारर चलचित्र रामकहानी प्रदर्शनमा आएको थियो । चलचित्र रामकहानी बक्सअफिसमा औसत साबित भएपनि चलचित्रबाट पूजा र आकाशलाई भने दर्शकबाट निकै माया पाए । अब पूजा आफ्नो नयाँ चलचित्र सम्हालिन्छ कहिले मन मा व्यस्त हुनेछिन् । उक्त चलचित्रमा उनी १५ लाख लिएर अनुबन्धित भएकी हुन् ।

हरेक चलचित्रमा नयाँ नायकसँग देखिने पूजा यो चलचित्रमा पनि नयाँ नायकसँग नै देखिने छिन् । उनको नायकको रुपमा यसपाली नव अभिनेता सोनम तोप्देन अनुबन्धित भएका छन् । उनको चलचित्रमा आउनु अगावै सामाजिक सञ्जालमा राम्रो क्रेज बनिसकेका छ । त्यसैकारण पनि चलचित्रमा उनलाई दर्शकले रुचाउने कुरामा चलचित्र निर्माण टिम निर्धक्क रहेको छ । चलचित्रमा सोनम र पूजाका अलवा एक अर्का नायकको खोजी भैरहेको छ ।