के जसितालाई प्रदिपकै भर हो ?

१४ मङ्सिर २०७५, काठमाडौँ

जसिता गुरुङ नेपालकी परिचित नायिका बनिसकेकी छिन् । चलचित्र लिलिबिली बाट नेपाली चलचित्र क्षेत्रमा आएकी जसिताको त्यपछि कुनैपनि चलचित्र प्रदर्शनमा आएका छैनन् । पहिलो चलचित्र प्रदिप खड्कासँग गरेकी जसिता आफ्नो दोस्रो चलचित्र लब स्टेशन मा पनि प्रदिप सँग नै देखिदैँछिन् ।

पहिलो चलचित्रबाट नै धेरै निर्माता निर्देशकको नजरमा पर्न सफल जसितालाई लिएर थुप्रै मेकर्सहरु चलचित्र बनाउन चाहन्छन् । थोरै समयमा नै निकै फ्यान कमाईसकेकी जसितालाई लिएर चलचित्र बनाउँदा लगानी सुरक्षित गर्न सकिने निर्माता निर्देशकको सोच बनिसकेको छ । तर जसिताले भने अन्य प्रोजेक्टमा काम गर्न त्यति रुचि मानेको देखिदैन ।

प्राप्त जानकारी अनुसार उनलाई चलचित्र छक्का पञ्जा ३ का लागि अफर गरिएको थियो तर उनले उक्त चलचित्र गर्न चाहिनन् । उक्त चलचित्र उनले प्रदिपको सल्लाहका कारण छोडेको बताइएको छ । त्यतिमात्र नभएर अब प्रदिप र जसिता फेरि तेस्रो पटक पनि सँगै चलचित्रमा देखिने सिनेवृतमा ठूलो चर्चा चलेको छ । तर अहिलेसम्म उक्त कुराको खुलासा भने भएको छैन । यसरी प्रदिप र जसिता बारबार चलचित्रमा देखिदाँ दर्शकहरुले जसितालाई प्रदिपको मात्र भर भएको कुरा बुझ्न थालेका छन् । त्यतिमात्र नभएर पटक पटक यो जोडि सँगै आउँदा दर्शकले कतै प्रदिप र जसिता प्रेममा त छैनन् समेत भन्न थालेका छन् ।