चलचित्र ‘ब्रेकअप’ को दोस्रो गीत सार्वजनिक

१४ मङ्सिर २०७५, काठमाडौँ

केहिसमय अघि चलचित्र ब्रेक अप को आज आम्रो भेट भको दिनको रिमेक गीत सार्वजनिक भएको थियो । पुरानो सुपरहिट गीतलाई रिमेक गरेर चलचित्रमा समावेश गरिएको थियो । तर उक्त गीतले सोचेजस्तो सफलता भने हासिल गर्न सकेन ।

भर्खरै मात्र चलचित्र ब्रेक अप को दोस्रो गीत सार्वजनिक भएको छ । प्रकाश मल्लको शब्द र विराज गौतमको संगीत रहेको हरपल बोलको गीतमा आवाज पनि  विराज गौतमकै रहेको छ । उक्त गीतमा चलचित्रमा मुख्य नायक र नायिका आशिरमान देशराज जोशी र शिल्पा मास्केलाई फिचरिङ गराइएको छ । चलचित्र ब्रेकअप पौष २७ बाट देशव्यापी रुपमा प्रदर्शनमा आउने भएको छ ।