अनमोल र बेनिशाले पाए कामना अवार्डमा सर्वोत्कृष्ट नायक नायिकाको अवार्ड

१६ मङ्सिर २०७५, काठमाडौँ

नायक अनमोल केसी नेपालका निकै चर्चित नायक हुन् । चलचित्र होस्टेल बाट नेपाली चलचित्र जगतमा आएका अनमोलले त्यसपछि पछाडि फर्केर हेर्नु परेको छैन । उनलाई अहिले चलचित्रमा भ्याईनभ्याई छ । उनी लगातार एकपछि अर्को चलचित्रमा व्यस्त हुन थालेका छन् । हाल चलचित्र ए मेरो हजुर ३ मा व्यस्त अनमोल भर्खरै मात्र मनाङको छायांकन भ्याएर काठमाडौँ फर्किएका छन् ।

हिजोमात्र ललितपुरमा भएको चौथो कामना फिल्मस अवार्डमा अनमोल पनि उपस्थित भएका थिए । निकै धेरै कलाकारको सहभागी रहेको कामना फिल्मस अवार्डमा पुराना पुस्तादेखि नयाँपुस्ताका बाक्लै कलाकारको उपस्थित रहेको थियो । उक्त अवार्ड समारोहमा अनमोलले सर्वोत्कृष्ट अभिनेताको अवार्ड हात पारेका छन् । उनी अवार्ड पाएर निकै खुसी भएका थिए । त्यस्तै नायिका बेनिशा हमालले चलचित्र ब्लाइन्ड रक्स बाट सर्वोत्कृष्ट नायिकाको अवार्ड जित्न सफल भइन् ।

उक्त अवार्ड समारोहमा चलचित्र लिलिबिली सर्वोत्कृष्ट चलचित्र बन्न सफल भयो भने उक्त चलचित्रबाट नै मिलन चाम्सले सर्वोत्कृष्ट निर्देशकको अवार्ड पाए । त्यस्तै नायिका प्रियंका कार्कीलाई स्टार अफ दि इयरको अवार्ड दिइयो । त्यस्तै नेपाल सिने जगतका दुई महान कलाकार हरिवंश आचार्य र मदन कृष्ण श्रेष्ठलाई लाइफ टाइभ एचिभमेन्ट अवार्डले सम्मानित गरियो । उक्त अवार्ड शो निकै भव्य र सव्य तरिकाले सम्पन्न गरियो ।