चलचित्र ‘रणवीर’ को टिजर सार्वजनिक

१६ मङ्सिर २०७५, काठमाडौँ

पछिल्लो समयमा नेपाली चलचित्र क्षेत्रमा नयाँ कलाकारले पनि राम्रो स्थान पाउन थालेका छन् । अधिकांश नयाँ कलाकारहरु एउटा चलचित्रमा देखिएपछि हराउने हुँदा केहि कलाकारले चै पहिलो चलचित्रबाट नै दर्शकको अत्याधिक माया पाउने गरेका छन् । त्यस कलाकारभित्र चलचित्र होस्टेल रिर्टन्स बाट नेपाली चलचित्रमा आएका सुशिल सिटौला र चलचित्र ऐश्वर्य बाट खल नायकको रुपमा आएका प्रशान्त ताम्राकार पनि पर्दछन् ।

प्रशान्त र सुशिलले पहिलो पटक स्क्रिन सेयर गरेको चलचित्र रणवीर को अफिसियल टिजर सार्वजनिक भएको छ । केहिदिन अघि चलचित्रको फस्टलुक सार्वजनिक गरेको थियो । जसले निकै चर्चा पनि कमाएको थियो । सार्वजनिक टिजरमा भरपूर्ण एक्सन देख्न सकिन्छ । चलचित्र रणवीर सुशिल सिटौला, प्रशान्त ताम्राकार, सुवेक्षा खड्का, सुपुष्पा भट्ट, हरिहर शर्मा, टिका पहारी लगायतका कलाकारको अभिनय रहेको छ । चलचित्र रणवीर माघ १८ बाट देशव्यापी रुपमा प्रदर्शनमा आउने भएको छ ।