चलचित्र ‘पुरानो बुलेट’ को मङ्सिर १५ बोलको गीत सार्वजनिक

१७ मङ्सिर २०७५, काठमाडौँ

नायिका बर्षा सिवाकोटी र नायक अनुप विक्रम शाहीले पहिलो पटक एकसाथ काम गरेको चलचित्र जय शम्भु केहिसमय अघि प्रदर्शनमा आएको थियो । तर विडम्बना उक्त चलचित्र बक्सअफिसमा सफल साबित हुन सकेन । फेरि यो जोडिले दोस्रो पटक एकसाथ काम गरेको चलचित्र पुरानो बुलेट को गीत भर्खरै सार्वजनिक भएको छ ।

राम भट्टराईको शब्द र उत्तम जङ्ग लिम्बुको संगीत रहेको मङ्सिर १५ बोलको गीतमा उत्तम जङ्ग लिम्बु र मेलिना राईको आवाज रहेको छ । निकै रमाईलो शैलीमा बनेको गीतमा अनुप र बर्षालाई नै फिचरिङ गराइएको छ । गीतलाई चर्चित कोरियोग्राफर प्रशान्त ताम्राकारले कोरियोग्राफी गरेका छन् । चलचित्र पुरानो बुलेट चैत्र १ बाट दशव्यापी रुपमा प्रदर्शनमा आउने भएको छ ।