बडिगार्डको सुरक्षा सहित अवार्ड शो मा पुगे अनमोल

१७ मङ्सिर २०७५, काठमाडौँ

अनमोल केसी अहिलेका नेपाली चलचित्र क्षेत्रका सबैभन्दा व्यस्त र डिमाण्डेड अभिनेताको रुपमा परिचित छन् । उनले थोरै समयमा नै धेरै चर्चा कमाएका छन् । हाल अनमोल केसी चलचित्र ए मेरो हजुर ३ को छायांकनमा व्यस्त छन् । शनिबार ललितपुरमा आयोजित कामना फिल्मस् अवार्डमा भने उनी समय मिलाएर सहभागी भएका थिए ।

पुराना देखि नयाँ पुस्तासम्मका धेरै कलाकारको उपस्थिति रहेको कामना फिल्मस् अवार्डमा अनमोलले सर्वोत्कृष्ट नायकको अवार्ड पनि हात पारे । अनमोलको अवार्ड शो मा दमदार इन्ट्रि भएको थियो । तर अचम्म लाग्ने कुरा  के छ भने अनमोल अवार्ड समारोहमा उनको बडिगार्डको सुरक्षाका साथ पुगे । यो देख्दा पनि अचम्म लाग्ने कुरा छ । किनकी फ्यानहरुबाट बच्न भन्दा पनि त्यहाँ अधिकांश कलाकार मात्र उपस्थित भएका थिए ।

उनलाई हेर्दा बडिगार्डका आवश्यकता चै परेको देखिदैनथ्यो । अनमोलले बडिगार्ड सहित अवार्ड शो मा गएकाले अहिले उनको आलोचना हुन थालेको छ । धेरै दर्शकहरुले नेपाली कलाकारले बडिगार्ड लिएर हिड्नुलाई आवश्यकता भन्दापनि सौखको रुपमा रहेको बताएका छन् । बडिगार्ड लिएर हिड्नाले नै कलाकारको चर्को आलोचना नेपाली सिने जगतमा हुने गर्दछ । जसमध्ये नायक अनमोल केसी पनि परेका छन्