रणवीर सिंहको ‘सिम्बा’ को ट्रेलर सार्वजनिक

१७ मङ्सिर २०७५, काठमाडौँ

रणवीर सिंह बलिउडका निकै चर्चित र महंगा अभिनेता हुन् । भर्खरै मात्र बलिउडकी चर्चित अभिनेत्री दिपिका पादुकोणसँग लगनगाठो कसेका रणवीर अब भने आफू चलचित्रमा निरन्तर व्यस्त हुने बताउँछन् । भर्खरै मात्र रणवीरको बहुप्रतिक्षित चलचित्र सिम्बा को अफिसियल ट्रेलर सार्वजनिक भएको छ ।

चलचित्र सिम्बा मा रणवीर एक पुलिस अफिसरको भूमिकामा देखिएका छन् । रोहित शेठ्ठीको निर्देशनम बनेको चलचित्र सिम्बामा रणवीरको अपोजिटमा सैफ अली खानकी छोरी सारा अली खनलाई देख्न सकिन्छ । चलचित्रको ट्रेलरमा रोमान्स, एक्सन र कमेडी ड्रामा पनि देख्न सकिन्छ । चलचित्र सिम्बा यहि डिसेम्बर २८ बाट रिलिज हुँदैछ ।