२० मङ्सिर २०७५, काठमाडौँ
लै लै बोलको गीतका कारण निकै हाइप पाईरहेको चलचित्र प्रसाद यसबर्षको प्रतिक्षित चलचित्र हो । चलचित्र प्रसाद भोली शुक्रबार अर्थात् मङ्सिर २१ बाट देशव्यापी रुपमा प्रदर्शनमा आउँदै छ । चलचित्र प्रसाद हिजोमात्र राजधानीमा प्रिमियर सम्पन्न भएको छ ।
चलचित्रको प्रिमियरमा धेरै कलाकारहरु उपस्थित भएका थिए । चलचित्र हेर्नका लागि नम्रताका प्रेमी पनि उपस्थित भएका थिए । चलचित्र हेर्ने सबैले चलचित्र प्रसाद एकदमै राम्रो चलचित्र बनेको बताए । ३ करोड नेपालीको मन छुने चलचित्र बनेको भन्दै चलचित्र हेर्न आएका अधिकांश कलाकारले हलमा दर्शकलाई चलचित्र हेर्न जान आग्रह पनि गरे ।
चलचित्र प्रसाद लाई दिनेश राउत ले निर्देशन गरेका हुन् । चलचित्रमा नम्रता श्रेष्ठ र निश्चल बस्नेतको मुख्य भूमिका रहेको छ । चलचित्र प्रसाद हेरेपछि सबैले विपिन नम्रता र निश्चलले एकदमै राम्रो काम गरेको प्रतिक्रिया दिएका छन् । नम्रता चलचित्र प्रसाद हेरेपछि सबैबाट आएको प्रतिक्रिया देखेर निकै भावुक पनि हुन पुगिन् ।
सबैले निकै मन छुने चलचित्र बनेको र कलाकारको काम प्रशंसा गर्न लायकको छ भन्दा नम्रताले आफूले सोचेको भन्दापनि निकै राम्रो कमेन्ट पाएर भावुक बनेको बताइन् । प्रिमियरबाट दर्शक र चलचित्रकर्मीको अत्यन्तै राम्रो साथ मिल्दा चलचित्र प्रसाद ले निकै राम्रो कमाई गर्ने सम्भावना देखिएको छ ।
