२० मङ्सिर २०७५, काठमाडौँ
सन्नी लियोनी बलिउडकी निकै चर्चित नायिका हुन् । उनले बलिउडमा धेरै चलचित्रमा काम गरिसकेकी छिन् । उनै सन्नी नेपाली चलचित्रमा पनि प्रवेश गरिसकेकी छिन् । उनले पासवर्ड नामक चलचित्रमा काम गरेकी छिन् । हाल चलचित्रको लण्डनमा छायांकन भैरहेको छ ।
भर्खरै मात्र चलचित्र पासवर्ड को आइटम गीतको केहि तस्बिरहरु सार्वजनिक भएको छ । तस्बिरमा सन्नी निकै बोल्ड देखिएकी छिन् । उक्त गीतमा सन्नीले निकै महंगो पारिश्रमिक लिएको बताइएको छ । चलचित्र पासवर्ड को उक्त आइटम गीतमा सन्नीलाई २०० डान्सरले साथ दिएका छन् ।
चलचित्र पासवर्ड निकै महंगो बजेटमा बनेको निर्माण पक्षले बताएको छ । चलचित्रमा अनुप विक्रम शाही, छुल्ठिम गुरुङ, बुद्धि तामाङ लगायतका कलाकारको अभिनय रहेको छ । चलचित्र पासवर्ड एक्सन, कमेडि जनरामा निमार्ण भएको चलचित्र हो ।
