‘गरुण पुराण’ को ‘म त पिरिम मा’ बोलको गीतमा कभर डान्स कम्पिटिसन, विजेतालाई ५० हजार

२१ मङ्सिर २०७५, काठमाडौँ

केहिसमय अघिमात्र चलचित्र गरुण पुराण को म त पिरिममा बोलको गीत युट्युबमा सार्वजनिक भएको थियो । उक्त गीतले अहिले युट्युबमा निकै चर्चा पाईरहेको छ । चलचित्र गरुण पुराण को उक्त गीतले अहिले एउटा ओपन च्यालेन्ज दिएको छ ।

आजभोली कुनै पनि गीतले आफ्नो हाईप बढाउन कभर डान्स कम्पिटिसन राख्ने गरेको छ । त्यस्तै गरुण पुराण को म त पिरिममा बोलको गीतमा पनि कभर डान्स कम्पिटिसन सुरु भएको छ । एकल जोडि वा ग्रुपमा डान्स गरेर उक्त भिडियो [email protected] मा पठाउनु पर्नेछ ।

उक्त कभर डान्स कम्पिटिसनको विजेताले नगद रु. ५०००० हजार पाउने बताइएको छ । यो वास्तवमै डान्स गर्नमा इच्छुक हुनेहरुको लागि एउटा राम्रो मौका हो । यसको माध्यमबाट उनीहरुले आफ्नो प्रतिभा सबैमाझ देखाउन पाउँछन् र विजेता भएको खण्डमा नगद पुरस्कार पनि पाउनेछन् ।