२१ मङ्सिर २०७५, काठमाडौँ
भारतको चर्चित गायन रियालिटि शो ‘सा रे ग म पा’ मा गएर आफूलाई सबैको नजरमा पार्न सफल नेपाली चेली मेनुका पौडेल ‘सा रे ग म पा’ को शिर्ष ११ बाट आउट भएकी छिन् । अडिसन राउण्डदेखि नै निकै राम्रो प्रस्तुती दिदैँ आएकी मेनुकाले हरेक हप्ता जर्जहरुबाट पनि राम्रो कमेन्ट पाउने गर्थिन् ।
गत शनिबार देखाईएको एपिसोडमा मेनुकाले ‘सा रे ग म पा लिटल च्याम्प’ का विजेता श्रेयान भट्टचार्यसँग गीत गाएकी थिइन् । उनले उक्त एपिसोडमा अन्य एपिसोडमा भन्दा कम स्कोर पाइन । मेनुकाले कम स्कोर मात्र नभएर कम भोट पाएका कारण उनी सा रे ग म पा बाट बाहिरिन पुगिन् ।
मेनुकाले सा रे ग म पा बाट बाहिरिए पनि यो यात्रा आफ्नो लागि निकै विशेष भएको बताइन् । उनले सा रे ग म पा को टप ११ मा आउनु नै आफ्नो लागि खुसीको कुरा भएको बताएकी छिन् । यसअघि मेनुका नेपाल आईडल सिजन १ मा पनि गएकी थिइन् । त्यहाँ पनि उनी टप ११ मै आउट भएकी थिइन् ।
