शिव परियारको नयाँ गीत रिलिज, आकाश र सारा फिचर्ड

२३ मङ्सिर २०७५,काठमाडौँ

आकाश श्रेष्ठ अहिलेका निकै चर्चित र डिमाण्डेड अभिनेता हुन् । हुन त उनको पहिलो चलचित्र म त तिम्रै हुँ हो तर उनलाई दर्शकले भने तिमी सँग बाट नोटिस गर्न थालेका हुन् । पछिल्लो समयमा उनको रामकहानी नामक चलचित्र बक्सअफिसमा सफल साबित भयो । सबैले रामकहानी बाट आकाशलाई राम्रो अभिनेताका रुपमा हेरेका छन् । अहिले उनी चलचित्र र म्यूजिक भिडियोहरुमा निकै व्यस्त छन् । भर्खरै मात्र उनको नयाँ म्यूजिक भिडियो सार्वजनिक भएको छ ।

दुर्गा प्रधानको शब्द र बिनोख पछाईको संगीत रहेको रात पनि दिन बोलको गीतमा शिव परियारको आवाज रहेको छ । उक्त गीतमा आकाश र अहिलेकी चर्चित नायिका सारा सिरपालीलाई फिचरिङ गराइएको छ । उक्त गीतलाई निश्चल काश्यपले निर्देशन गरेका हुन् ।