आकाश र बर्षाको नयाँ गीत रिलिज

२३ मङ्सिर २०७५, काठमाडौँ

बर्षा राउत र आकाश श्रेष्ठ पछिल्लो समयका मिल्ने साथी हुन् । दुवै नेपालका नाम चलेका कलाकार हुन् । यी दुुवै कलाकार चलचित्रमा मात्र नभएर म्यूजिक भिडियोमा पनि उत्तिकै सक्रिय छन् । दुवैजनाले धेरै सुपरहिट म्यूजिक भिडियोमा काम गरिसकेका छन् । भर्खरै मात्र बजारमा यी दुईको एक म्यूजिक भिडियो सार्वजनिक भएको छ ।

आनन्द अधिकारीको शब्द र अल्मोडा राना उप्रेतीको संगीत रहेको लौ गोरी बोलको गीतमा टेकेन्द्र शाह र नेपालकी चर्चित गायिका मेलिना राईको आवाज रहेको छ । उक्त गीतमा आकाश श्रेष्ठ र बर्षा राउतलाई फिचरिङ गराईएको छ । धेरै समयपछि आकाश र बर्षाले एकसाथ काम गरेकाले पनि उक्त गीतमा आकाश र बर्षाको जोडि निकै मिलेको देखिएको छ । उक्त गीतलाई राजिब समरले निर्देशन गरेका हुन् ।