स्वस्तिमाकोे डान्सले तात्यो टुडिखेलको माहोल

२३ मङ्सिर २०७५, काठमाडौँ

स्वस्तिम खड्का अहिलेक सर्वाधिक चर्चित र व्यस्त नायिका हुन् । उनी एकपछि अर्को चलचित्रमा निकै व्यस्त हुन थालेकी छिन् । उनी चलचित्रमा मात्र नभएर विभिन्न म्यूजिक भिडियो र सांस्कृतिक कार्यक्रममा पनि व्यस्त भइरहन्छिन् । स्वस्तिमालाई राम्रो डान्स गर्ने नायिकाको रुपमा पनि हेरिएको छ ।

हिजोमात्र टुडिखेलमा आयोजना भएको रग्वी फेस्टिबलमा धेरै कलाकारको उपस्थिति रहेको थियो । उक्त कार्यक्रममा स्वस्तिमा पनि गएकी थिइन् । धेरैदिन अघिदेखि यो फेस्टिबलको सामाजिक सञ्जालमा चर्चा भैरहेको थियो । विशेषगरी चर्चित कलाकारको बेजोड प्रस्तुती हुने भएकाले दर्शकले यो कार्यक्रमको प्रतिक्षा गरिरहेका थिए ।

स्वस्तिमाले हिजो आफ्नो डान्सका कारण टुडिखेलको माहोल नै तताइदिएकी थिइन् । उनको डान्समा दर्शकले निकै हुटिङ पनि गरेका थिए । स्वस्तिमाका साथै उक्त कार्यक्रममा स्वप्न सुमन र लाउरेको प्रस्तुती पनि दर्शकलाई निकै मनोरञ्जन दिएको थियो । जे होस हिजो टुडिलेलमा चर्चित कलाकारको बेजोड प्रस्तुतीले दर्शकले भने निकै मनोरञ्जन गर्ने मौका पाए ।