२३ मंसिर २०७५, काठमाडौँ
साइपाल कप ‘सेभेन ए’ साईड उपत्यकाव्यापी फूटबल प्रतियोगिता २०७५ को उद्घाटन खेलमा आयोजक साइपाल एकेडेमीले प्रोलिफिक स्कूललाई १–० ले पराजित गरेको छ ।
प्रतियोगिताको उद्घाटन एन्फा अध्यक्ष कर्मा छिरिङ्ग शेर्पाले गरेका थिए ।
उद्घाटन समारोहमा प्रमुख अतिथि एन्फा अध्यक्ष कर्मा छिरिङ्ग शेर्पा लगायत जिल्ला खेलकुद विकास समिति अध्यक्ष धुर्वराज न्यौपाने, उपाध्यक्ष बद्रि भट्टराई, एन्फा सदस्य दावा लामा, कपन प्रहरी प्रभागका निरीक्षक मिन बहादुर कुँवर, समाजसेवी रामप्रसाद लुईटेल लगायत विभिन्न विद्यालयका शिक्षकशिक्षिका तथा विद्यार्थीहरुको बाक्लो उपस्थिती रहेको थियो ।
७ दिन सम्म संचालन हुने प्रतियोगितामा विजयी विद्यालयले नगद रु २५००० सहित ट्रफी हस्तान्तरण गरिने कार्यक्रम संयोजक हरी महर्जनले परिवर्तन खबरलाई बताए ।
उद्घाटन समारोहको अध्यक्षता साइपल एकेडेमीका प्रधानध्यापक सुमन नगरकोटीले गरेका थिए भने कार्यक्रम संचालन सृजना अधिकारीले गरेकी थिईन् । 
