को बन्छ नेपालको दोस्रो नेपाल आइडल ?

२७ मङ्सिर २०७५, काठमाडौँ

नेपाल आइडल नेपालको सबैभन्दा ठूलो र लोकप्रिय गायन रियालिटि शो हो । नेपाल आइडल नेपालमा मात्र नभएर विश्वभर हेरिने आइडलको दास्रो स्थानमा आउँछ । पहिलो सिजनलाई दर्शकले अत्यन्तै मन पराएपछि यसको दोस्रो सिजन पनि ल्याइएको हो । अब चाडैँ नै नेपाल आइडलको दोस्रो सिजन पनि सकिदैँछ ।

नेपालभर गरेर हजारौँ प्रतिस्पर्धीले नेपाल आइडलमा भाग लिएका थिए । तीमध्ये विभिन्न राउण्डहरु पार गर्दै अहिले उत्कृष्ट ४ प्रतिस्पर्धी मात्र बाकि छन् । यसपटक नेपाल आइडल सिजन २ को उपाधी कसले जित्छ भनेर पूर्व अनुमान लगाउन सक्ने अवस्था नै छैन । किनकी उत्कृष्ट ४ मा पुगेका सबै प्रतिस्पर्धीहरु निकै अब्बल छन् र दर्शकको भोट पनि बराबरीको हिसाबमा पाइरहेका छन् ।

उत्कृष्ट ४ मा झापाबाट सुमित पाठक र अस्मिता अधिकारी, पोखराबाट विक्रम बराल र धनगढीबाट रबि ओड रहेका छन् । ४ जना प्रतिस्पर्धी नै निकै राम्रो गीत गाउने गर्छन् । तर फाइनलमा ती ४ प्रतिस्पर्धीमध्ये एकजना आउट हुनेछन् । नेपाल आइडलको फिनालेमा ३ प्रतिस्पर्धीहरु मात्र पुग्नेछन् । तपाइहरुले आफूलाई मन परेको प्रतिस्पर्धीलाई फाइनलमा पुर्याउनका लागि उनीहरुको भोटिङ कोण टाइप गरी म्यासेज पठाउनु पर्नेछ  । त्यसैगरी रेस्पेक्ट एण्ड राइजको एप डाउनलोड गरेर पनि भोट गर्न सकिन्छ ।