०१ पुस २०७५, काठमाडौं
हात्तीगौंडास्थित नेशनल युनाइटेड स्कुलले आयोजना गरेको प्रथम नेशनल युनाइटेड अन्तरविद्यालय बास्केटबल प्रतियोगिता २०१८ को तेस्रो दिनका खेलहरु सम्पन्न भएका छन् । आज सम्पन्न लिग चरणका खेलहरुमा ब्वाइजतर्फ आयोजक नेशनल युनाइटेड स्कूलले इडनब्रिज एकेडेमी माथी ३७-२९ को जित निकाल्न सफल भयो । विजयी टिमका लागि जोनिश श्रेष्ठले ३१ अंक जोडे ।
ब्वाइजतर्फ नै टि.आइ.ए. ले पृथ्वी स्कूललाइ १७-०७, भ्याली पब्लिकले बि.एन .ए लाई १८-०८, एन्जल हर्टले प्रोलिफिक स्कूललाई ४२-१९, लालीगुँरास स्कूलले हिमालय स्कूललाई ४२-१५ ले हरायो ।
त्यसैगरी गर्ल्सतर्फको खेलहरुमा टि. आइ.ए. ले इडनब्रिज एकेडेमीमाथी १२-१० को जित निकाल्दा भद्रकाली स्कूलले बूढानीलकण्ठ आश्रम स्कूललाई २१-११ को स्कोरले पराजित गर्याे भने भ्याली पब्लिक स्कूलले चाँदवाग स्कूललाई २७-१० ले पन्छायो ।
