०२ पौष २०७५, काठमाडौं
शहीद स्मारक ए डिभिजन लिगअन्तर्गत आज भएको खेलमा हिमालयन शेर्पा क्लबले न्युरोड टिम एआरटीलाई पराजित गरेको छ ।
सातदोबाटोस्थित एन्फा कम्प्लेक्समा भएको खेलमा शेर्पाले एआरटीलाई १–० ले हराएको हो ।
शेर्पाका लागि विस्वाश श्रेष्ठले गोल गरे । खेलको ६१ औं मिनेटमा श्रेष्ठले गरेको गोलनै उसको लागि एक बलियो आधार बन्न सक्यो । जितसंगै हिमालयन शेर्पा तालिकाको छैटौ स्थानमा उक्लिएको छ । उसले ९ खेलबाट १४ अंक जोडेको छ । पुलिससंग समान अंक भएपनि गोल अन्तरका आधारमा शेर्पा क्लब पछाडी परेको हो ।
एनआरटीले नवौ चरणको खेल सम्म समेत जित निकाल्न सकेको छैन । एक अंक जोडेको एनआरटी तालिकाको पुछारमा छ ।
