०२ पौष २०७५, काठमाडौं
एभरेष्ट प्रिमियर लिग (इपिएल) अन्तर्गत समुह चरण खेलमा विराटनगर वारियर्सलाई पराजित गर्दै काठमाडौँ किंग्स क्वालिफायरमा पुगेको छ।विराटनगरले दिएको १०१ रन पछाएको काठमाडौँले १७.५ ओभरमा ५ विकेट गुमाउदै लक्ष्य पुरा गरेका थिए । काठमाडौँका लागि केभिन ओ ब्रायनले अविजित ४५ र प्रदीप साहुले २१ रन बनाएका थिए ।
त्यस्तै अमित श्रेष्ठले १४ र सागर पुनले १० रन बनाएका थिए । विराटनगरका लागि कप्तान पारस खड्का र भान डेर मार्वेले २(२ विकेट लिएका थिए भने रोबिन छेत्रीले एक विकेट लिएका थिए । यस अघि टस हारेर पहिला ब्याटिंग गरेको विराटनगरले १७.५ ओभरमा अल आउट हुदै १०० रन बनाएको थियो । विराटनगरका लागि सुमित महर्जनले सर्वाधिक २५ रन बनाएका थिए भने हरिबहादुर चौहानले २२, कप्तान पारस खड्काले २१ र बबर हयातले ११ रन बनाएका थिए ।
काठमाडौँका बलरहरुले उत्कृष्ट बलिङ्ग विराटनगरलाई कम रनमा रोकेका थिए । काठमाडौँका लागि केभिन ओ ब्रायनले ३ विकेट लिए भने प्रदीप साहुले २ विकेट लिएका थिए । प्रदीप साहुले ४ ओभरमा केवल १० रन दिएर २ विकेट लिएका थिए। त्यस्तै बिक्रम भुसाल र रोहन मुस्तफाले २–२ विकेट लिए भने जितेन्द्र मुखियाले एक विकेट लिए ।
हारसँगै विराटनगर प्रतियोगिताबाट बाहिरिएको छ भने काठमाडौँ क्वालिफायरमा पुगेको छ । त्यस्तै अर्को टिम चितवन टाइगर्स इलिमिनेटरमा पुगेको छ ।
